BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-təhlil şöbəsindən AZƏRTAC-ın müxbirinə bildirmişlər ki, Bakı Banklararası Valyuta Birjasının (BBVB) valyuta bölməsində keçirilmiş hərracların yekunlarına görə aprelin 28-də USD/AZN-in orta hesablanmış birja məzənnəsi 1 ABŞ dolları üçün 0,8285 AZN olmuşdur.
Birjanın elektron hərracları sistemində (BEHS) səhər sessiyasının açılışında USD/AZN-in məzənnəsi 1 dollar üçün 0,8279 AZN-ə bərabər idi. USD/AZN T+0 aləti üzrə əqdlər qeydə alınmamışdır. Manatın məzənnəsi sessiyanın yekunlarına görə dəyişməmişdir.
BEHS-in gündüz sessiyasında USD/AZN T+0 aləti üzrə 2 999 232 AZN-ə bərabər həcm qeydə alınmışdır. Gündüz sessiyasının orta hesablanmış məzənnəsi 1 USD üçün 0,8285 AZN olmuşdur
Beləliklə, hər iki sessiyanın yekunlarına görə dollar alətləri ilə üzrə hərracların ümumi həcmi 3 620 000 ABŞ dolları olmuşdur ki, bu da manat ekvivalenti ilə 2 999 232 AZN-ə bərabərdir. Bir əqdə orta hesabla 603 333 dollar düşmüşdür
USDAZN T+1 və T+2 alətləri və SWAP_USDAZN alətləri üzrə tələbat olmadığından dilerlər tərəfindən əqdlər bağlanmamışdır. BEHS-də banklar RUB/AZN və AVR/AZN alətləri üzrə sifariş verməmişlər.
BEHS sistemi çərçivəsində fəaliyyət göstərən banklararası kredit bazarında market-meykerlər tərəfindən verilən sifarişlər əsasında hesablanan BakiBOR indeksi 90 günlük alətlər üzrə manatla illik 16,22 faiz, ABŞ dolları üzrə isə 16,69 faiz təşkil etmişdir.
BEHS sistemi çərçivəsində fəaliyyət göstərən mütəşəkkil banklararası kredit bazarında illik 15,00 faiz olmaqla 33 gün müddətinə 1 000 000 AZN, illik 16,50 faiz olmaqla 116 gün müddətinə 4 000 000 AZN, illik 14,00 faiz olmaqla 360 gün müddətinə 300 000 AZN həcmində əqdlər qeydə alınmışdır.
