MƏDƏNİYYƏT
BAKI BƏLƏDİYYƏ TEATRININ YUBİLEYİNƏ HƏSR OLUNMUŞ KİTAB
“Əbilov, Zeynalov və oğulları” nəşriyyatı şair-publisist Abdulla Qurbaninin Bakı Bələdiyyə Teatrının 10 illik yudileyinə həsr olunmuş “Döyüşən teatr” kitabı çapdan çıxmışdır.
Kitab Azərbaycan Respublikasının Prezidenti Heydər Əliyevin rəngli fotoşəkli, Baki Bələdiyyə Teatrının bədii rəhbəri və direktoru, xalq artisti Amaliya Pənahovaya yubiley münasibətilə göndərdiyi təbrik məktubu, görkəmli səhnə ustasının “Şöhrət” ordeni ilə təltif edilməsi haqqında Fərmanı ilə açılır.
Müəllif zəngin ənənəsi olan Azərbaycan milli teatrının keçdiyi yola nəzər salır, zaman ötdükcə onun inkişaf etməsindən, bir çox çətinliklərlə, problemlərlə üzləşsə də, unudulmaz sənət korifeylərinin əməyi sayəsində yaşamasından, mədəniyyətimizin tərəqqisində mühüm rol oynamasından söhbət açır.
Kitabda əsası 1992-ci ildə, torpaqlarımızın erməni təcavüzkarlarından qorunması uğrunda qanlı döyüşlər gedən bir vaxtda yaradılmış, bu mübarizədə daim ön sırada olmuş Bakı Bələdiyyə Teatrının fəaliyyəti geniş əksini tapmışdır. Çoxlu fotoşəkillərin daxil edildiyi kitabın sonunda Bakı Bələdiyyə Teatrının 10 illik yubileyi ilə əlaqədar Azərbaycan Prezidentinin Fərmanı ilə “Xalq artisti”, “Əməkdar artist”, “Əməkdar incəsənət xadimi” və “Əməkdar mədəniyyət işçisi” fəxri adlarına layiq görülmüş əməkdaşların siyahısı və fotoşəkilləri dərc olunmuşdur.
Əminik, ki, yubiley gecəsində təqdimatı keçirilmiş “Döyüşən teatr” kitabı teatrsevərlər tərəfindən maraqla qarşılanacaqdır.
MÜƏLLİFLƏ ƏLAQƏ
Bölmənin digər xəbərləri
- 28.06.2024 [17:51]
Xanım Əziz: Hamı kimi olmaq məcburiyyətində deyilsən, özəlliyini tapmalısan!
- 28.06.2024 [16:42]
Azərbaycan Ümumdünya Parfümeriya Konqresində təmsil olunub VİDEO
- 28.06.2024 [12:12]
"İpək Yolları Gənclərin Gözü ilə" adlı fotomüsabiqəyə qeydiyyat davam edir
- 28.06.2024 [12:09]
“Xeyir xəbər” tamaşasının premyerası keçirilib
- 28.06.2024 [11:55]