“BAKI İLHAMLARI” YENİDƏN TAMAŞAÇILARIN GÖRÜŞÜNƏ GƏLİR
TRT-nin Bakı təmsilçiliyindən AZƏRTAC-a bildirmişlər ki, verilişdə 1906-1907-cı illərdə çap olunan və təkcə Azərbaycanda deyil, bütün türk dünyasının mətbuat tarixində öz izini qoyan “Füyuzat” jurnalından, Dövlət Rəssamlıq Akademiyasında təşkil olunmuş toxuculuq məhsulları və tanınmış rəssam Böyükağa Mirzəzadənin rəsm əsərlərinin sərgilərindən söhbət açılacaq, paytaxtda keçirilmiş digər mədəniyyət tədbirlərindən söz açılacaqdır.
“Ayın qonağı” rubrikasında isə müğənni Azərin yaradıcılıq yeniliklərini və yeni klipi ilə bağlı təəssüratlarını tamaşaçılarla bölüşəcəkdir.
Rəşid Dəmirtaşın rejissorluğu ilə hazırlanmış 30 dəqiqəlik veriliş aprelin 28-də Bakı vaxtı ilə saat 8.00-da və 1.45-də TRT-İNT, saat 17.30-da isə TRT-TÜRK kanallarında göstəriləcəkdir.
Bölmənin digər xəbərləri
