BAKIDA 2-Cİ İORDANİYA SƏRGİSİ AÇILACAQDIR
AZƏRTAC xəbər verir ki, mayın 6-da Bakıda 2-ci İordaniya sərgisi açılacaqdır.
İordaniyanın Sənaye və Ticarət Nazirliyi və Azərbaycan Respublikası İqtisadi İnkişaf Nazirliyinin dəstəyi ilə keçiriləcək sərgidə dost ölkənin 30-dan çox şirkətinin iştirakı gözlənilir. “Dəniz Vağzalı” binasında 3 gün davam edəcək sərgidə Bakının sakinləri və paytaxtımızın qonaqları uzun illər sənaye, tikinti materialları, elektronika, kənd təsərrüfatı, meliorasiya, əczaçılıq, turizm sahələrində uğurla fəaliyyət göstərən, yüksək nailiyyətləri olan iri şirkət və firmaların məhsulları ilə tanış olacaqlar.
Sərgi günlərində iki ölkənin iş adamları arasında görüşlər keçiriləcək, birgə əməkdaşlıq barədə danışıqlar aparılacaqdır.
Bölmənin digər xəbərləri
