MƏDƏNİYYƏT
BAKIDA... “ASİYA BAYRAMI” BAŞLANDI
Festivalın direktoru Afət Məmmədova, Hindistanın ölkəmizdəki səfiri Cyoti Svarup Pande, Xəzər Universitetinin rektoru, professor Hamlet İsaxanlı mərasimdə çıxış edərək, ənənəvi bayramın Bakıda keçirilməsindən əsas məqsəd Asiya xalqlarının, o cümlədən türkdilli xalqların zəngin musiqi mədəniyyətini daha geniş təbliğ etməkdən ibarət olduğunu bildirmişlər. Qeyd olunmuşdur ki, bu festivalda Hindistanın, Türkiyənin, İranın, Qırğızıstanın və Azərbaycanın 20-dən çox sənətçisi öz ifaçılıq məharətini göstərəcəkdir.
Sonra zurnaçılar dəstəsinin (Azərbaycan), xanəndə Cyoti Svarup Pandenin (Hindistan), rübab ustası Gülfam Əhmədin və tabla ustası İlmas Hüseynin (Hindistan) iştirakı ilə geniş konsert proqramı səslənmişdir.
Açılış mərasimində Böyük Britaniya, Fransa, Norveç və Səudiyyə Ərəbistanının respublikamızdakı səfirləri iştirak etmişlər.