BAKIDA BİR NEÇƏ SƏHİYYƏ OCAĞININ TƏMİRDƏN SONRA AÇILIŞI OLMUŞDUR
Səhiyyə Nazirliyindən AZƏRTAC-a bildirmişlər ki, mayın 3-də ümummilli lider Heydər Əliyevin 85 illik yubileyi ilə əlaqədar M.Qəmbərov adına Yasamal rayonu 5 nömrəli uşaq poliklinikasının və Türkan qəsəbəsindəki 1 nömrəli vərəm əleyhinə sanatoriyanın əsaslı təmirdən sonra açılışı olmuşdur.
Tədbirlərdə çıxış edən səhiyyə naziri Oqtay Şirəliyev ulu öndər Heydər Əliyevin 85 illik yubileyi ilə əlaqədar daha 15 tibb müəssisəsinin əsaslı təmirdən sonra əhalinin istifadəsinə veriləcəyini demişdir. Nazir uzun müddət acınacaqlı vəziyyətdə olan hər iki tibb ocağının, bütün tibbi avadanlıqla və dərman preparatları və qida məhsulları ilə təchiz olunduğunu söyləmişdir.
Kürdəxanı qəsəbəsində isə Bakı şəhər Baş Səhiyyə İdarəsinin rəhbəri Leyla Seyidbəyovanın iştirakı ilə 35 nömrəli şəhər xəstəxanasının təmirdən sonra açılışı olmuşdur.
Bölmənin digər xəbərləri
