BAKIDA FİN-UQOR XALQ TƏTBİQİ SƏNƏTİ SƏRGİSİ AÇILMIŞDIR
“Qala” sərgi qalereyasında Estoniya Rəssamlıq Akademiyasının sərgisi açılmışdır. Sərgidə 15 eston rəssamının 50-dən çox əsəri nümayiş etdirilir. Onların hamısı Skandinaviya yarımadasından başlayaraq, Sibirin şimal və qərb hissəsinə qədər uzanan bir ərazidə yaşayan fin-uqor xalqlarının həyatına həsr olunmuşdur.
Estoniya Rəssamlıq Akademiyası artıq 25 ildir ki, bu xalqların yaşadığı yerlərə tədqiqat ekspedisiyaları təşkil edir. Bu ənənənin əsasını tanınmış eston rəssamı və xalq tətbiqi sənətinin tədqiqatçısı professor Kaluo Pıllu qoymuşdur. Alimlər və tədqiqatçılar hər ekspedisiyadan sonra 300-ə yaxın şəkil və tətbiqi sənət nümunələri toplayırlar.
Estoniyanın türk və Qafqaz xalqları cəmiyyətinin prezidenti professor Yaqub Yaqubovun təşkil etdiyi sərgi bir həftə davam edəcəkdir.
Bölmənin digər xəbərləri
