BAKIDA “MERKEZ ELEKTRİK” LTD ŞİRKƏTİNİN YENİ MAĞAZASI İSTİFADƏYƏ VERİLMİŞDİR
Açılış mərasimində şirkətin direktoru Sami Büyük, İqtisadi İnkişaf Nazirliyi Antiinhisar Siyasəti Departamentinin sədri Rəhim Hüseynov, Azərbaycan-Türk Sənayeçi və İş Adamları Beynəlxalq Cəmiyyəti (TÜSİAB) idarə heyətinin sədri Batacar Baysal, Türkiyənin ölkəmizdəki səfirinin müşaviri Erkan Özoral çıxış edərək, Türkiyə-Azərbaycan iqtisadi əlaqələrinin yüksək səviyyədə inkişafından, ölkəmizdə türk iş adamları üçün yaradılmış səmərəli şəraitdən danışmışlar.
Bildirmişlər ki, sayca üçüncü olan bu mağazada Türkiyənin “Özcan”, “Step”, “Motif”, “Aytac”, “Haqcan”, “Üstün”, “Murat” şirkətlərinin istehsal etdiyi masa lampaları, bralar, çilçıraqlar və digər elektrik avadanlığı topdan və pərakəndə satılacaqdır.
