Bakıda qeyri-ənənəvi aksiya-“Qanlı gəlincik-13 dəqiqə” fləşmobu
Bakı, 26 fevral (AZƏRTAC). Fevralın 26-da Azərbaycan Yazıçılar Birliyinin (AYB) Gənclər Şurasının təşəbbüsü və təşkilatçılığı ilə Xocalı faciəsinin 22-ci ildönümü ilə bağlı Sahil bağında “Qanlı gəlincik-13 dəqiqə” fləşmobu keçirilmişdir.
AZƏRTAC xəbər verir ki, Gənclər Şurasının üzvləri fləşmobun keçirildiyi 13 dəqiqə ərzində burada övladını itirmiş xocalılı ananı təmsil edən, qolları üzərində qanlı gəlincik tutmuş qadının yanında susaraq dayanmışlar.
Fləşmob iştirakçılarının susaraq dayanması soyqırımını törədənlərə və bu faciənin hüquqi qiymətini vermək istəməyənlərə qeyri-ənənəvi etiraz əlamətidir.
AYB-nin Gənclər Şurası hər kəsi Xocalıda qətliama məruz qalan günahsız soydaşlarımızın xatirəsini uca tutmağa və onların hüquqlarını tələb etməyə çağırır.
Bölmənin digər xəbərləri
