Bakıdakı Rus Evində “Qəhrəmanlar haqqında şeirlər” ədəbi-musiqi layihəsi təqdim ediləcək
Bakı, 4 may, AZƏRTAC
Mayın 7-də Bakıdakı Rus Evində “Qəhrəmanlar haqqında şeirlər” ədəbi-musiqi layihəsi təqdim ediləcək. Tədbirdə gənc şairlər, Bakıdakı Rus Evinin Poeziya klubunun üzvləri Lalə Həsənova, Zarema Manafova, Günatay Hüseynova, Olqa Şalayeva və Lalə Əliyeva-Klıçkova İkinci Dünya müharibəsində qələbə haqqında şeirlərlə çıxış edəcəklər.
Bu barədə AZƏRTAC-a Rusiya İnformasiya-Mədəniyyət Mərkəzinin mətbuat xidmətindən məlumat veriblər.
Tədbir çərçivəsində, həmçinin İkinci Dünya müharibəsində təşviqat plakatlarına həsr olunmuş “Qələbəyə aparan yol” adlı sərginin təntənəli açılışı olacaq.
Musiqi proqramında Azərbaycanın Əməkdar artisti Anton Ferştandt, Üzeyir Hacıbəyli adına Bakı Musiqi Akademiyasının baş müəllimi Alyona İnyakina, Müslüm Maqomayev adına Azərbaycan Dövlət Akademik Filarmoniyasının Azərbaycan Dövlət Xor Kapellasının solisti Fərhad Ələkbərov, BMA-nın məzunu Əminət Əhmədova, BMA-nın konsertmeysteri Dilarə Kərimova, Azərbaycan Dövlət Akademik Musiqili Teatrının solisti Firus Məmmədov iştirak edəcəklər.
Sonra rəqs nömrələri təqdim ediləcək.
Bölmənin digər xəbərləri
