Bakının “Rabitə” voleybol komandasının yeni baş məşqçisinin köməkçisi müəyyənləşmişdir
Bakı, 13 noyabr (AZƏRTAC). Bakının qadınlardan ibarət “Rabitə” voleybol komandasının yeni baş məşqçisi Eldar Yusubovun köməkçisi müəyyənləşmişdir.
AZƏRTAC xəbər verir ki, son illərin dəyişməz Azərbaycan çempionunda ikinci məşqçi funksiyasını Kamil Söz yerinə yetirəcəkdir. Qırx beş yaşlı türkiyəli mütəxəssis komandanın Çempionlar Liqası və Super Liqa yarışlarında uğurlu çıxışına yardımçı olacaqdır.
K.Söz Bakı klubundan əvvəl “Fənərbaxça” komandasında işləmişdir. O, İstanbul kollektivi ilə çalışdığı 7 ildə 1 dəfə Çempionlar Liqasının, 1 dəfə klublararası dünya çempionatının, 3 dəfə Türkiyə çempionatının, 1 dəfə ölkə kubokunun və 2 dəfə Superkubokun qalibi olmuşdur.
Bölmənin digər xəbərləri
