Mövsümün əvvəlindən indiyə kimi Balakən rayonunda 15 min tondan artıq qarğıdalı yığılmışdır. Bu, ötən ildəkindən xeyli çoxdur.

Rayon İcra Hakimiyyətindən AZƏRTAC-ın müxbirinə bildirmişlər ki, əlverişli iqlim şəraiti, sərfəli bazar qiymətləri və məhsula olan tələbat torpaq sahiblərinin bu gəlirli sahəyə marağını ildən-ilə artırır. Bunun nəticəsidir ki, cari ildə rayonda qarğıdalı əkini sahələri 200 hektar genişləndirilərək 4637 hektara çatdırılmışdır.

Hazırda sahələrdə məhsul yığımı davam edir. İlin sonunadək daha 50 min ton məhsul yığılacağı gözlənilir.