Banka 50 dollarlıq saxta əsginaslar verən iki əcnəbi tutulub
Bakı, 17 fevral, AZƏRTAC
Bakıda iki əcnəbi saxta əsginaslarla tutulub.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib. Bildirilib ki, fevralın 16-da saat 14 radələrində Yasamal rayonu ərazisindəki bankların birinə 12 ədəd 50 dollarlıq saxta əsginas verən iki əcnəbi vətəndaş orada xidmət aparan rayon mühafizə idarəsinin əməkdaşları tərəfindən saxlanılaraq 26-cı polis bölməsinə təhvil verilib.
Faktla bağlı araşdırma aparılır.
Bölmənin digər xəbərləri
