BAZAR DEYİL, SİRLƏR XƏZİNƏSİDİR
Məqalədə deyilir ki, orada düşmənin hədəfləri barədə məxfi hərbi məlumatlar, Əfqanıstanın korrupsiyaya qurşanmış rəsmi şəxslərinin adları yazılmış və Amerikanın müdafiə vasitələrinin təsvir olunduğu oğurluq kompyuter diskləri satılır. Köşklərin sahibləri deyirlər ki, bu bazarda yaşayış otaqlarının yır-yığışı ilə, zir-zibil daşımaqla və başqa işlərlə məşğul olan əfqanlar hər gün bazara satmaq üçün müxtəlif mallar, o cümlədən soyuducular, hərbi kompyuter hissələri, hətta “Viaqra” dərmanı gətirirlər.
Qəzetin jurnalistinin bazarda aldığı disklərdə məxfi informasiya vardı. İnformasiyada qiyamçı qruplaşmaların əməliyyatlarında iştirak etməkdə şübhəli bilinən, “öldürülməli və ya tutulmalı olan” şəxslərin siyahısı göstərilirdi. Elektron daşıyıcılarda Amerika hərbçiləri tərəfindən etibarsız sayılan Əfqanıstan hökuməti nümayəndələrinin “aradan götürülməsi” və ya “oyundan çıxarılması” üçün ABŞ-ın hərəkətləri barədə məlumat yazılmışdır.
Bu disklərdə ABŞ-ın İraqda istifadə edilən ən yeni hərbi texnikası və bu texnikanın harada yerləşdirildiyi barədə məlumat da var.
ABŞ silahlı qüvvələrinin Əfqanıstandakı rəsmi nümayəndəsi bu xəbərləri şərh etməkdən boyun qaçırmışdır.
Bölmənin digər xəbərləri
