BƏRDƏDƏ AKADEMİK ZƏRİFƏ XANIM ƏLİYEVANIN 85 İLLİYİ QEYD OLUNMUŞDUR
AZƏRTAC xəbər verir ki, Bərdə şəhərində akademik Zərifə xanım Əliyevanın 85 illiyi ilə əlaqədar onun adını daşıyan orta məktəbdə yubiley tədbiri keçirilmişdir.
Tədbirdə Bərdə Rayon İcra Hakimiyyəti başçısı Aparatının, YAP rayon təşkilatının nümayəndələri, ziyalılar iştirak etmişlər.
Tədbir iştirakçıları əvvəlcə akademik Zərifə xanım Əliyevanın abidəsinin önünə gül-çiçək qoymuşlar.
Tədbirdə Bərdə Rayon İcra Hakimiyyəti başçısının müavini Fəqət Şadlinskaya akademikin zəngin həyat yolundan danışmışdır. Bildirmişdir ki, Zərifə xanım Əliyeva azərbaycanlı ziyalı qadın adını ən yüksək mərtəbəyə qaldıran unudulmaz simalardandır.
Tədbirdə çıxış edən digər natiqlər Zərifə xanım Əliyevanın keçdiyi mənalı həyat yolundan, fəaliyyətindən, oftalmologiya elminin inkişafındakı xidmətlərindən danışmışlar.
Tədbirdə Z.Əliyeva adına orta məktəb şagirdlərinin hazırladıqları kompozisiya nümayiş olunmuşdur. Prezident təqaüdçüsü, muğam müsabiqəsinin iştirakçısı Pərvaz İbrahimli Sevil xanım Əliyevanın görkəmli akademikə həsr etdiyi “Ana” mahnısını ifa etmişdir.
Bölmənin digər xəbərləri
