Bərdədə istehlak üçün yararsız 347 kiloqram pendir məhv edilib
Bakı, 30 yanvar, AZƏRTAC
Qida Təhlükəsizliyi Agentliyi qanunvericiliyin tələbləri çərçivəsində qida təhlükəsizliyinin təmin edilməsi və istehlakçı hüquqlarının müdafiəsi sahəsində tədbirləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, Bərdə şəhərinin Koroğlu küçəsində fəaliyyət göstərən, fiziki şəxs Aşuralıyev Cahid İlham oğlu, Bərdə rayonunun Kələntərli kəndində fəaliyyət göstərən, fiziki şəxs Məmmədov Elçin Şahbaz oğlu və Bərdə rayonunun Seyid Yusifli kəndində fəaliyyət göstərən, fiziki şəxs Qasımov Sahib Müzəffər oğluna məxsus pendir istehsalı sexlərində reyd keçirilib.
Reyd zamanı hər üç müəssisədə qida təhlükəsizliyi sahəsində texniki normativ hüquqi aktların tələblərinin kobud şəkildə pozulması faktları aşkar olunub. Ümumilikdə 347 kiloqram istehlak üçün yararsız pendir məhv edilib, həmçinin müəssisələrin fəaliyyəti məhdudlaşdırılıb. Araşdırmalar davam etdirilir.
Bölmənin digər xəbərləri
