BƏSTƏKARLAR İTTİFAQINDA GÖRÜŞ OLMUŞDUR
İttifaqın birinci katibi, xalq artisti Vasif Adıgözəlov naziri Bəstəkarlar İttifaqının idarə heyəti adından salamlamış, belə tədbirin keçirilməsinə görə ona minnətdarlığını bildirmişdir.
Ə.Qarayev Mədəniyyət və Turizm Nazirliyinin bu həftə ərzində həyata keçirəcəyi tədbirlər barədə məlumat vermişdir. Bildirmişdir ki, həftənin ilk görüşünü Bəstəkarlar İttifaqında gerçəkləşdirir. Görüşün dövlətimizin başçısı İlham Əliyevin tapşırığı ilə həyata keçirildiyini diqqətə çatdıran nazir vurğulamışdır ki, bundan məqsəd Bəstəkarlar İttifaqının fəaliyyəti və onun problemləri ilə yaxından tanış olmaq, birgə səylə Azərbaycan musiqisinin daha da inkişaf etdirilməsinə kömək göstərməkdir.
Nazir demişdir ki, bundan əvvəlki günlərdə Vasif Adıgözəlovla və bir sıra başqa bəstəkarlarla söhbətlərimizdə ölkəmizdə uşaq simfonik orkestrinin yaradılmasının zəruriliyi vurğulanmışdır. Biz bu problemi bəstəkarlarımızın köməyi ilə həll etdik. Hətta aprelin 14-də yeni yaradılmış kollektivin çıxışına baxış da keçirilmişdir. Sentyabr ayında orkestrin ikihissəli konsertini təşkil etmək qərarına gəlmişik. Çalışmaq lazımdır ki, həmin konsertdə uşaqların ifasında klassik musiqi ilə yanaşı, müasir bəstəkarlarımızın da əsərləri səslənsin.
Görüşdə Azərbaycan musiqisinin inkişafına mane olan problemlər və onların aradan qaldırılması yolları barədə ətraflı söhbət getmişdir.
Bölmənin digər xəbərləri
