Beynəlxalq Davamlı İnkişaf İnstitutunun rəsmisi: Dayanıqlı şəhərlər üçün birgə fəaliyyət vacibdir VİDEO
Bakı, 17 may, AZƏRTAC
Biz bu gün ətraf mühit sahəsində qlobal miqyasda bir çox çətinliklərlə - iqlim dəyişmələri, biomüxtəlifliyin itirilməsi ilə üz-üzəyik.
Bu sözləri AZƏRTAC-a açıqlaması zamanı Beynəlxalq Davamlı İnkişaf İnstitutunun videoprodüseri Rozali Boyl bildirib.
O qeyd edib ki, sürətlə böyüyən şəhərlərdə insanlar arasında əlçatanlıq düzgün bölünməyib.
“Ehtiyacı olan bütün insanları şəhərlərdə yerləşdirmək üçün kifayət qədər yer yoxdur. Beləliklə, bu sessiya, yəni Birləşmiş Millətlər Təşkilatının (BMT) Ümumdünya Şəhərsalma Forumunun 13-cü Sessiyası (WUF13) liderlərin və mütəxəssislərin bir araya gələrək, fikir mübadiləsi aparmaq, boşluqların harada olduğunu müzakirə etmək baxımından gözəl fürsətdir. Burada məqsəd ondan ibarətdir ki, daha çox insan bu gün ehtiyac duyduğu adekvat mənzili əldə etsin, çünki bu hər bir insanın hüququdur”,- deyə o bildirib.
O əlavə edib ki, hər kəs təhlükəsiz və dayanıqlı yaşayış məskəninə layiqdir: “Belə olan halda şəhərlərimizi və şəhər ərazilərimizi daha davamlı və dayanıqlı edə bilərik”.
Bölmənin digər xəbərləri
