Hindistanlı iştirakçı: Şəhərlərin tikilməsi və inşası ilə bağlı bütün ölkələr lazımi məlumatları öyrənməlidir
Bakı, 17 may, AZƏRTAC
Hindistan və Azərbaycanın tarixdən, keçmişdən gələn çoxlu ortaq cəhətləri var. Düşünürəm ki, ölkələrimiz arasında çox yaxşı münasibətlərimiz olub.
Bu sözləri AZƏRTAC-a məxsusi müsahibəsində Bakıda keçirilən BMT-nin Ümumdünya Şəhərsalma Forumunun 13-cü Sessiyasının (WUF13) iştirakçısı, “Slum Dwellers International” (SDI) təşkilatının qurucu üzvlərindən Celine Dcruz deyib.
“Mən Hindistanın Mumbay şəhərindən gəlmişəm. Orada 6 milyon insan gecəqondularda yaşayır. Bizim infrastrukturla bağlı fərqli çətinliklərimiz var”,- deyə iştirakçı bildirib.
Celine Dcruz qeyd edib ki, şəhərlərin tikilməsi və inşası ilə bağlı bütün ölkələr lazımi məlumatları öyrənməlidirlər. Çünki tikinti proseslərindəki səhvlər ciddi nəticələr yaradır.
“WUF-un olduqca güclü olan mesajı da məhz budur”, - deyə o əlavə edib.
Bölmənin digər xəbərləri
