Polşanın BMT-dəki daimi nümayəndəsi: Bakıdakı müzakirələr son dərəcə vacib olacaq
Bakı, 17 may, AZƏRTAC
Dünya Şəhər Forumu bütün maraqlı tərəflərin bir araya gələrək dayanıqlı şəhərlərin inkişafı ilə bağlı real təcrübələri, ən yaxşı nümunələri və problemləri müzakirə edə bildiyi unikal platformadır.
AZƏRTAC xəbər verir ki, bunu Polşanın Birləşmiş Millətlər Təşkilatındakı daimi nümayəndəsi Krysztof Szezerski BMT-nin Ümumdünya Şəhərsalma Forumunun On Üçüncü Sessiyasının (WUF13) Yeni Şəhərsalma Proqramına dair nazirlər səviyyəsində görüşündəki çıxış zamanı səsləndirib.
O bildirib ki, bütün şəhərlər sosial həmrəylik, iqtisadi imkanlar və fövqəladə hallara davamlılıq məkanlarına çevrilməlidir.
“Yeni Şəhər Gündəliyinin icrası yalnız qlobal öhdəliklərdən deyil, həm də yerli səviyyədə həyata keçirilən tədbirlərdən asılıdır. Ümumdünya Şəhərsalma Forumunun əsas mahiyyəti tərəfdaşlıq, ortaq öhdəlik, çoxtərəfli idarəçilik və vətəndaş cəmiyyətinin iştirakının təminidir. Məhz bu səbəbdən Bakıdakı müzakirələr son dərəcə vacib olacaq”, - deyə Polşanın Birləşmiş Millətlər Təşkilatındakı daimi nümayəndəsi əlavə edib.
Müxbir - Pərvanə Qafarova
Bölmənin digər xəbərləri
