BEYNƏLXALQ MANDİALOQ MÜSABİQƏSİNİN QALİBİ 220 NÖMRƏLİ MƏKTƏB-LİSEYİN KOMANDASI OLMUŞDUR

09.10.2004 [22:51]
Çap et
A⁺ A^-

AZƏRTAC xəbər verir ki, İspaniyanın Barselona şəhərində keçirilən Beynəlxalq Mandialoq simpoziumunda YUNESKO tərəfindən təşkil olunmuş Mandialoq müsabiqəsində dünyanın 125 ölkəsindən 1466 komanda iştirak etmişdir. Müsabiqədə Bakının Nizami rayonundakı 220 nömrəli məktəb-liseyin “Dream” (“Arzu”) komandası qalib gələrək 1-ci dərəcəli diploma və pul mükafatına layiq görülmüşlər.

Bu münasibətlə Təhsil Nazirliyində təşkil olunmuş tədbirdə nazir Misir Mərdanov YUNESKO-nun Assosiativ Məktəblər layihəsinə qoşulan təlim–tərbiyə müəssisələri haqqında məlumat vermişdir. Azərbaycan komandasının qələbəsini yüksək qiymətləndirən nazir diplomu və 1500 avro məbləğində pul mükafatını məktəbin direktoru Almaz Əsgərovaya təqdim etmiş, yarışda fərqlənən şagirdlərə xatirə hədiyyələri vermişdir.

Azərbaycanın YUNESKO üzrə Milli Komissiyasının katibi Ramiz Abutalıbov qazanılan uğuru ölkəmizin təhsil sisteminin dünya təhsil sisteminə inteqrasiyasının konkret nəticəsi kimi səciyyələndirmişdir.

BEYNƏLXALQ MANDİALOQ MÜSABİQƏSİNİN QALİBİ 220 NÖMRƏLİ MƏKTƏB-LİSEYİN KOMANDASI OLMUŞDUR

MÜƏLLİFLƏ ƏLAQƏ

Bölmənin digər xəbərləri