Beynəlxalq sertifikatlı bələdçilərin hazırlanmasına başlanmışdır
Bakı, 24 aprel (AZƏRTAC). İngilis dilli bələdçilərin daha da təkmilləşməsi üçün Mədəniyyət və Turizm Nazirliyi, Azərbaycan Turizm İnstitutu (ATİ) və Almaniyanın GİZ təşkilatının birgə dəstəyi ilə 3 mərhələdə keçirilməsi planlaşdırılan təlimlərə başlanılmışdır.
ATİ-dən AZƏRTAC-a bildirmişlər ki, təlimlərin ilkin mərhələsinə aprelin 24-dən bu ali təhsil ocağında start verilmişdir. Bir həftə davam edəcək təlimləri Turizm Bələdçiləri Assosiasiyası Dünya Federasiyasının beynəlxalq sertifikatlı bələdçisi xanım İvana Curuvija aparacaqdır.
On iki iştirakçı əsasən bələdçi fəaliyyəti ilə bağlı dünya standartları, həmçinin yeniliklərlə tanış olacaqlar.
Təlimləri uğurla başa vuran iştirakçılar Turizm Bələdçilər Assosiasiyası Dünya Federasiyasının beynəlxalq sertifikatlı üzvlüyünə qəbul ediləcəklər.
Təlimlərin ikinci mərhələsi Bakı Turizm İnformasiya Mərkəzində aprelin 26-dan 28-dək keçiriləcəkdir.
Bölmənin digər xəbərləri
