BİÇİN SÜRƏTLƏ VƏ KEYFİYYƏTLƏ APARILIR
AZƏRTAC-ın müxbiri bildirir ki, Biləsuvar taxılçıları arpa biçininə mütəşəkkilliklə başlamışlar. Zəmilərə çıxarılan 80 kombaynla qısa müddətdə təxminən 1000 hektar sahənin məhsulu yığılmışdır. Hər hektarın orta məhsuldarlığı 21 sentnerə yaxındır.
Bu mövsümdə 20 min 300 hektar zəminin məhsulu toplanmalıdır. Mütəxəssislərin hesablamalarına görə, azı 55 min ton məhsul götürüləcəkdir ki, bu da rayon əhalisinin taxıla tələbatını ödəmək üçün kifayətdir.
Rayon icra hakimiyyəti nəzdində fəaliyyət göstərən xüsusi qərargah biçinin gedişini nəzarətdə saxlayır, qarşıya çıxan problemləri operativ həll edir.
Bölmənin digər xəbərləri
