Biləsuvarda qısa müddətdə 3 min hektardan çox sahəyə çiyid səpilib
Biləsuvar, 24 aprel, Mahir Babayev, AZƏRTAC
Bir neçə gündür ki, Biləsuvarda çiyid səpininə başlanılıb. Ötən il pambıq plantasiyalarından 22 min 394 ton xam pambıq istehsal edən biləsuvarlı əkinçilər cari ildə 12 min hektar sahədə pambıq əkməyi planlaşdırıblar. Bunun üçün 1481 məhsul istehsalçısı ilə müqavilə bağlanılıb və onlar lazımi texnika, toxum, dərman preparatları ilə təmin olunublar.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildiriblər ki, səpin kampaniyasına mütəşəkkil başlayan pambıq istehsalçıları qısa müddətdə 3 min 335 hektardan çox sahəyə çiyid səpiblər. İşin yaxşı təşkili nəticəsində gün ərzində rayon üzrə 180-200 hektar sahəyə çiyid səpilir. Səpin aparılmış sahənin 1642 hektarı “MKT-İK” MMC-yə, 422 hektarı “Azərpambıq” MMC-yə, 836 hektarı “P-AQRO” MMC-yə, 435 hektarı isə “Təcrübə-sınaq” məntəqəsinə məxsusdur. Məhsul istehsalçıları səpini optimal müddətdə başa çatdırmaq üçün bütün imkanlardan səmərəli istifadə edirlər.
Bölmənin digər xəbərləri
