Birinci MDB Oyunlarının loqotipi və talismanı təsdiqlənib
Moskva, 8 aprel, AZƏRTAC
Rusiya Federasiyasının İdman Nazirliyi Birinci MDB Oyunlarının loqotipini və talismanını təsdiq edib.
Nazirlikdən AZƏRTAC-a bildiriblər ki, yarışların loqotipi Simurq quşu, talismanı isə bəbir olacaq. Oyunların bu il avqustun 20-27-də Rusiya Federasiyası Tatarıstan Respublikasının paytaxtı Kazan şəhərində keçirilməsi planlaşdırılır. Yarışlarda 11 ölkədən 14-23 yaşlarında 3,5 minə yaxın idmançının iştirak edəcəyi gözlənilir.
Xatırladaq ki, Birinci MDB Oyunlarının keçirilməsi ideyası MDB Dövlət Başçıları Şurasının 2018-ci ildə Tacikistanda keçirilmiş iclasında təsdiqlənib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
