BMT-NİN İRAQ PROBLEMİNƏ DAİR YENİ QƏTNAMƏ QƏBUL EDƏCƏYİ GÖZLƏNİLİR
İTAR-TASS agentliyindən AZƏRTAC-a daxil olan xəbərə görə, BMT-nin baş katibi Kofi Annan demişdir ki, İraq probleminə dair çox güman ki, yeni qətnamə qəbul etmək lazım gələcəkdir. Baş katib Əbu-Zəbinin peyk telekanalı vasitəsilə yayımlanan müsahibəsində bildirmişdir ki, əgər Səddam Hüseyn rejimi müfəttişlərlə əməkdaşlıq etməsə, onlar İraqda intəhasız təftiş apara bilməzlər.
Kofi Annan demişdir ki, mən ikinci qətnamənin lazım olacağını istisna etmirəm, lakin Təhlükəsizlik Şurası onu nə vaxt müzakirə edəcəyini qərarlaşdırmalıdır. Mənə elə gəlir ki, ikinci qətnamə 1441 nömrəli qətnamənin daha təkmil forması ola bilər. İndi söz İraq liderinindir.
Bölmənin digər xəbərləri
