BÖHRAN TELEFON XƏTTİ FƏALİYYƏT GÖSTƏRİR
Birliyin mətbuat xidmətindən AZƏRTAC-a bildirmişlər ki, bu müddət ərzində məsləhətçilər 500-dən artıq zəng qəbul etmişlər. Zəng edənlərə problemlərinin həlli ilə bağlı məsləhətlər verilmiş və ya onlara digər ixtisaslaşmış xidmətlərin ünvanları verilmişdir.
Böhran telefon xəttinin 12-25 yaşlı olan yeniyetmələrə və gənclərə xidmət göstərəcəyi haqda bəyanata baxmayaraq, xidmətə digər yaş qruplarından olan vətəndaşlar da müraciət edirlər. Bunun əsas səbəbi belə xidmətlərin olmamasıdır.
Xidmətə rayonlardan da zənglər daxil olur. Müraciət edənlər arasında qadınlar üstünlük təşkil edir. Problemlər arasında ailə münaqişələri, romantik münasibətlər, zorakılıq və işgəncə daha çox yer tutur.
Böhran telefon xətti Bakı Baş Təcili Yardım Stansiyası, Daxili İşlər Nazirliyi və digər dövlət qurumları ilə əməkdaşlıq edir. Xətt həftənin 6 günü ərzində 24 saat fəaliyyət göstərir. Xəttin nömrəsi 496-22-82-dir.
