BOLQARISTANDA TÜRKOLOJİ SİMPOZİUM
Bolqarıstanın Şumen Dövlət Universitetində “Şərqdə Qərb baxımından türk dili və ədəbiyyatı məsələləri” mövzusunda beynəlxalq simpozium keçirilmişdir.
Bolqarıstan, Türkiyə, Azərbaycan, Yunanıstan və Finlandiya alimlərinin iştirak etdikləri forumda Naxçıvan Dövlət Universitetinin rektoru, Azərbaycan MEA-nın müxbir üzvü İsa Həbibbəylinin “Azərbaycan yazıçısı Əli bəy Hüseynzadənin türkoloji fəaliyyətində Şərq və Qərb məsələləri” mövzusunda məruzəsi böyük maraq dogurmuşdur.
Naxçıvan Dövlət Universitetinin dosenti, tarix elmləri namizədi Fəxrəddin Səfərli isə “Bolqar türklərinin Naxçıvanda izləri” mövzusunda məruzə etmişdir.
Azərbaycan alimləri Şumen Dövlət Universitetinə XIII əsrdə Naxçıvanda, İpək yolu üzərində tikilmiş qədim körpünün təsviri olan rəsm əsərini hədiyyə etmiş,
Türkiyə Cümhuriyyətinin Bolqarıstanın Burqas şəhərindəki baş konsulu ilə görüşmüşlər.
Bölmənin digər xəbərləri
