Boris Conson: “Mövcud peyvəndlər koronavirusun Hindistan variantına qarşı təsirlidir”
London, 20 may, AZƏRTAC
Böyük Britaniyanın Baş naziri Boris Conson mövcud peyvəndlərin koronavirusun Hindistan variantına qarşı təsirli olduğunu açıqlayıb.
Baş nazir peyvəndlərinin, Hindistan variantı da daxil olmaqla, koronavirusun bütün variantlarına qarşı təsirli olduğunu söyləyib.
O, virusun Hindistan variantının ölkədəki normallaşma prosesinə mənfi təsir göstərəcəyini və vəziyyəti yaxından izlədiyini bildirib.
Krallıqda hazırlanan yol xəritəsinə əsasən koronavirus məhdudiyyətlərinin iyunun 21-də tamamilə qaldırılması planlaşdırılır. Lakin ölkədə koronavirusun yeni variantın sürətlə yayılması planın həyata keçirilməsini gecikdirir.
London İmperial Kollecinin epidemioloqu Neyl Ferquson da son məlumatların ümidverici olduğunu, Hindistan variantının yoluxuculuğunun əvvəlcə düşünüləndən daha az ola biləcəyini diqqətə çatdırıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
