Bosniya və Herseqovinada yerli seçkilər keçirilir
Sarayevo, 6 oktyabr, AZƏRTAC
Bosniya və Herseqovinada yerli idarəetmə orqanlarına seçkilər keçirilir.
AZƏRTAC xəbər verir ki, səsvermə nəticəsində ölkədə iki inzibati vahiddə - Serb Respublikası ilə Bosniya və Herseqovina Federasiyasında, eləcə də xüsusi statusa malik Brçko bölgəsində 143 bələdiyyə sədri və 3200 şura üzvü müəyyənləşəcək.
Bosniya və Herseqovina Mərkəzi Seçki Komissiyasının məlumatına görə, yerli seçkilərdə 110 siyasi partiya, 58 alyans, 76 müstəqil namizəd və 43 azlıq nümayəndəsi iştirak edir. Ümumilikdə 26 min 89 namizədin iştirak etdiyi seçkidə namizədlərdən 25 min 703-ü şura üzvü, 386-sı isə bələdiyyə sədri olmaq üçün mübarizə aparır. Ölkədə 3,4 milyon nəfərin səsvermə hüququna malikdir.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
