Böyük Britaniyanın Baş naziri Leyboristlər partiyasına çağırış edib
London, 13 aprel, AZƏRTAC
Böyük Britaniyanın Baş naziri Tereza Mey Leyboristlər partiyasına çağırış edib.
AZƏRTAC yerli KİV-lərə istinadla xəbər verir ki, Avropa İttifaqı ilə Brexit tarixini dəyişdirən (31 oktyabr) müqaviləsini imzaladıqdan sonra parlamentdə çıxış edən Tereza Mey mövcud vəziyyətdən xilas olmaq üçün birlikdə hərəkət etməyə çalışacaqlarını söyləyib. O qeyd edib ki, deputatlar Avropa İttifaqından çıxmaq haqqında müqaviləsini təsdiqləsələr, Britaniyanın gələn ay keçiriləcək Avropa Parlamentinə seçkilərdə iştirak etməsinə ehtiyac qalmayacaq.
“Qəti razılığa gəlmək asan olmayacaq, hər iki tərəf bunu etmək üçün güzəştə getməlidir”.
Leyboristlər partiyasının lideri Ceremy Korbin Brexitin gecikməsini diplomatik uğursuzluq kimi şərh edib.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
