“Bravo”dan xeyirxah addım: 10 min tənha yaşlıya ərzaq yardımı edilib
Bakı, 14 aprel, AZƏRTAC
“Bravo” supermarketlər şəbəkəsi ölkəmizdə yaşlı nəslə diqqət və qayğı göstərilməsi kimi milli-mənəvi dəyərləri əsas tutaraq bu sahədə aparılan işlərdə sosial məsuliyyət prinsipindən dəstəyini göstərib.
Əmək və Əhalinin Sosial Müdafiəsi Nazirliyinin Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, nazirlik tərəfindən hazırda evlərində sosial xidmətlərlə təmin edilən yaşı 65-dən yuxarı tənha yaşayan şəxslərdən 10 min nəfəri “Bravo” tərəfindən ərzaq yardımı ilə təmin edilib.
Ərzaq yardımları Bakı və bölgələrdə sosial xidmətçilərlə birgə tənha yaşlıların evlərinə çatdırılıb.
Bu təşəbbüs pandemiyadan qorunmaları üçün evdən çıxmaları qadağan edilən yaşlı vətəndaşların gündəlik ərzaq malları üçün evdən çıxmaq ehtiyacının aradan qalxmasına, onların rifahına və hazırkı dönəmdə “#evdəqal” çağırışına “Bravo”dan dəyərli dəstəkdir.
Bölmənin digər xəbərləri
