Britaniyada koronavirus epidemiyasından həyatını itirən səhiyyə işçilərinin ailələrinə kompensasiya veriləcək
London, 29 aprel , AZƏRTAC
Böyük Britaniyada koronavirus epidemiyasından həyatını itirən səhiyyə işçilərinin ailələrinə və sosial xidmət işçilərinə 60 min funtsterlinq kompensasiya veriləcək.
AZƏRTAC xəbər verir ki, Səhiyyə naziri Mett Hankok keçirdiyi mətbuat konfransında 100-dən çox səhiyyə işçisinin və 16 sosial xidmət işçisinin öldüyünü açıqlayıb. Nazir veriləcək olan kompensasiyanın təqaüdə çıxdıqdan sonra vəzifə çağırışına cavab verən səhiyyə işçilərini də əhatə edəcəyini bildirib.
Həmçinin Britaniyada çərşənbə axşamı saat 11-də həyatını itirən tibb işçiləri 1 dəqiqəlik sükutla yad ediləcək. Baş Nazir Boris Conson da anım mərasiminə qatılacaq.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
