Bu günə kimi İranda koronavirusdan 17 min 405 nəfər ölüb
Tehran, 3 avqust, AZƏRTAC
Ümumdünya Səhiyyə Təşkilatının (ÜST) İran üzrə təmsilçisi Kristof Hamelman rəsmi Tehranın koronanavirus infeksiyası ilə effektiv mübarizə apardığını bildirib.
AZƏRTAC xəbər verir ki, Tehranda İbn Sina xəstəxanasında keçirdiyi görüş zamanı ÜST təmsilçisi həkimlərin fədakarlığını xüsusilə qeyd edərək 100-dən çox həkimin virusla mübarizədə həyatını itirdiyini bildirib.
İranın Səhiyyə Nazirliyinin mətbuat katibi Sima Səadət Lari isə mətbuat konfransında virusa yoluxanların ümumi sayının 312 min 35 nəfərə, sağalanların sayının isə 270 min 228 nəfər olduğunu qeyd edib. Nəzərə çatdırılıb ki, bu günə kimi İranda virusa yoluxan 17 min 405 nəfər həyatını itirib.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
