Bukmeykerlər “Mercedes”in pilotu Lyuis Hemiltonu Bakıdakı yürüşlərin favoriti hesab edir
Bakı, 22 aprel, AZƏRTAC
“William Hill” bukmeyker kontoru Formula 1 çempionatının Azərbaycan Qran-Prisində qələbəyə qoyulan mərclərin kursunu dərc edib.
AZƏRTAC xəbər verir ki, bukmeykerlər “Mercedes”in pilotu Lyuis Hemiltonu Bakıdakı yürüşlərin favoriti qismində görürlər. İkinci yerdə Sebastyan Fetteldir. Onların ortaqları olan Valtteri Bottasın və Şarl Leklerin qələbəyə şansları eyni dəyərləndirilir.
Şəxsi hesabda qələbəyə Lyuis Hemilton əminliklə liderlik edir. Sebastyan Fettelin titulu qazanmaq şansı 3 dəfə az qiymətləndirilir.
Üç yürüşdən sonra “Mercedes” komandası “Ferrari” və “Red Bull Racing” komandalarının birlikdə topladığından daha çox xal qazanıblar. Təəccüblü deyil ki, bukmeykerlər komandaların Konstruktorlar Kubokunda qələbəsinə şübhə etmirlər.
Bölmənin digər xəbərləri
