Burak Yılmaz karyerasını Fransada davam etdirəcək
Bakı, 24 iyul, AZƏRTAC
İstanbulun “Beşiktaş” futbol klubunun kapitanı Burak Yılmazın karyerasını Fransada davam etdirəcəyi dəqiqləşib.
AZƏRTAC xəbər verir ki, 35 yaşlı hücumçu “Lill” klubu ilə razılaşıb. İstanbula yollanan Fransa klubunun tibbi heyəti tərəfindən müayinədən keçən Türkiyə millisinin üzvü yeni komandası ilə ikiillik müqavilə imzalayacaq. B.Yılmaz artıq “Beşiktaş”la vidalaşıb.
Qeyd edək ki, futbolçu “Beşiktaş”a 2018-ci ildə “Trabzonspor”dan keçib. Hücumçu cari mövsümdə Superliqada keçirdiyi 25 oyunda 13 qol vurub və 7 məhsuldar ötürmə edib.
Bölmənin digər xəbərləri
