Ordubadda 538 abonentin təbii qaz təchizatı dayandırılıb

17.06.2026 [02:16]
Çap et
A⁺ A^-

Naxçıvan, 17 iyun, AZƏRTAC

Ordubad rayonunun Biləv kəndində yerləşən su elektrik stansiyasının su anbarında suyun tam açılması nəticəsində diametri 159 millimetr olan qaz xətti qırılıb.

AZƏRTAC-ın bölgə müxbiri xəbər verir ki, hadisə ilə əlaqədar Ordubad rayonunun Gilançay, Biləv, Bəhrud, Parağa, Parağaçay, Tivi, Nəsirvaz, Bist, Ələhi, Xurs və Nürgüt yaşayış məntəqələrinin qaz təchizatı dayandırılıb.

Qəza nəticəsində qaz təchizatı dayandırılan aktiv abonentlərin sayı 538-dir.

Hazırda qəzanın nəticələrinin aradan qaldırılması və qaz təchizatının bərpası istiqamətində müvafiq tədbirlər görülür.

_{Müxbir- Nail Əsgərov}