Səfir: Litva universitetləri Azərbaycanın ali təhsil ocaqları ilə sıx əməkdaşlıq edir
Bakı, 7 oktyabr, AZƏRTAC
Ölkələrimiz coğrafi baxımdan bir-birindən uzaq ola bilər. Lakin təhsil, xüsusilə də gəncləri birləşdirən əsas sahələrdən biridir.
AZƏRTAC xəbər verir ki, bu sözləri Litvanın Azərbaycandakı səfiri Kestutis Vaşkeleviçus "Avropada Təhsil” sərgisinə həsr olunan media brifinqdə söyləyib.
O bildirib ki, təhsil Litvanın transformasiyasında mühüm rol oynayıb. Biz bu təcrübəni Azərbaycanla bölüşmək istərdik. Bu əməkdaşlıq həm tələbə və universitet mübadilələrini, həm də hökumətlərarası anlaşmaları və beynəlxalq əməkdaşlıq sazişlərini əhatə edə bilər.
Səfir qeyd edib Litva universitetləri Azərbaycan universitetləri ilə sıx əməkdaşlıq edir. Məsələn, Vytautas Magnus Universiteti ADA Universitetinin ilk tərəfdaşlarından biri olub.
Bölmənin digər xəbərləri
