CƏBHƏNİN BİR NEÇƏ İSTİQAMƏTİNDƏ ATƏŞKƏS POZULMUŞDUR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri mayın 4-də saat 8.30-dan 21.50-dək Ermənistanın Berd rayonunun Çinari kəndi sahəsindəki mövqelərindən və Noyemberyan rayonunun ərazisindəki adsız yüksəkliklərdə yerləşən mövqelərindən Milli Ordumuzun Tovuz və Qazax rayonlarının ərazilərində yerləşən mövqelərini, saat 16.00-dan mayın 5-i saat 1.10-dək ara-sıra Xocavənd rayonunun ərazisindəki adsız yüksəkliklərdə və Kuropatkino kəndində yerləşən mövqelərindən, saat 16.40-dan 16.50-dək Goranboy rayonunun Tap Qaraqoyunlu kəndi yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşilə susdurulmuşdur. İtki yoxdur.
Bölmənin digər xəbərləri
