CƏLİLABAD RAYONUNDA VƏTƏNDAŞLARDAN KÜLLİ MİQDARDA NARKOTİK MADDƏ AŞKAR EDİLMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Cəlilabad Rayon Polis Şöbəsi əməkdaşlarının keçirdikləri əməliyyat tədbirləri nəticəsində Gülməmmədli kənd sakini Bəhruz Hətəmov və Uzuntəpə kənd sakini Vaqif Buludovdan 16 kiloqram 80 qram həşiş, Alar kəndi ərazisində Rusiya vətəndaşı Rəfael Xəlilovdan və Bakı şəhər sakini Emin İbrahimovdan 15 kiloqram 510 qram həşiş müsadirə edilərək götürülmüşdür.
Sabunçu Rayon Polis İdarəsi 12-ci bölməsinin əməkdaşları Maştağa qəsəbəsinin sakini Əlihüseyn Həsənovdan 0,443 qram, Nəsimi Rayon Polis İdarəsi 20-ci bölməsinin əməkdaşları əvvəllər məhkum olunmuş Füzuli Əkbərovdan 0,209 qram, Ağsu Rayon Polis Şöbəsinin işçiləri rayon sakini Cavid Fərəcovdan 0,4 qram, Abşeron Rayon Polis Şöbəsinin əməkdaşları Hökməli qəsəbəsinin sakini Rövşən Əliyevdən 0,226 qram heroin müsadirə etmişlər.
Faktlarla bağlı cinayət işi açılmışdır, təhqiqat aparılır.
Bölmənin digər xəbərləri
