Cəlilabadda narkotik vasitə qəbul etmiş mikroavtobus sürücüsü saxlanılıb
Cəlilabad, 30 mart, Bağır Əliyev, AZƏRTAC
Cəlilabad rayonu ərazisində 3 nömrəli marşrut xətti üzrə hərəkətdə olan 15-BP-496 dövlət nömrə nişanlı “Mercedes” markalı mikroavtobusun sürücüsü yol hərəkəti qaydalarını pozduğu üçün rayon polis şöbəsinin dövlət yol polisi bölməsinin yol patrul xidmətinin əməkdaşları tərəfindən saxlanılıb.
Daxili İşlər Nazirliyinin Mətbuat Xidmətinin Lənkəran regional qrupundan AZƏRTAC-ın bölgə müxbirinə verilən məlumata əsasən, mikroavtobusun sürücüsü, Cəlilabad rayonunun Soltankənd kəndinin sakini Oqtay Abbasovun ümumi istifadədə olan nəqliyyat vasitəsini idarə etmək hüququ olmadığı müəyyənləşib, eyni zamanda, hərəkətləri şübhə doğurduğu üçün o, tibbi müayinədən keçirilib.
Müayinə zamanı O.Abbasovun narkotik vasitə qəbul etdiyi məlum olub.
Oqtay Abasov İnzibati Xətalar Məcəlləsinin müvafiq maddəsinə əsasən, Cəlilabad Rayon Məhkəməsinin qərarı ilə bir ay müddətinə həbs edilib.
Bölmənin digər xəbərləri
