Bakı, 26 sentyabr, AZƏRTAC

Koreya Respublikası, Çin və Yaponiya arasında üçtərəfli sammit “ən yaxın vaxtda” baş tutacaq.

AZƏRTAC xəbər verir ki, bu barədə Yonhap agentliyi Cənubi Koreya hökumətinə istinadla məlumat yayıb.

Bu gün Seulda üç ölkənin diplomatları görüşüblər. Görüşdə üçtərəfli əməkdaşlıq məsələləri ilə yanaşı, sammitin ilin sonunadək keçirilməsi imkanları müzakirə olunub.

ÇXR-Koreya Respublikası-Yaponiya sammiti ilk dəfə 2008-ci ildə keçirilib. Ötən müddətdə dövlət başçılarının səkkiz görüşü təşkil edilib. Onlar sonuncu dəfə 2019-cu ildə görüşüblər. Format məcburi əmək qurbanlarına təzminat ödənilməsi ilə bağlı Seul və Tokio arasında fikir ayrılıqları, eləcə də pandemiya səbəbindən dayandırılıb.

2022-ci ildə Koreya Respublikasında yeni prezident Yun Sok Yol hakimiyyətə gəldikdən sonra Yaponiya ilə ikitərəfli əlaqələrdə istiləşmə müşahidə olunur.