Cənubi Koreya iqtisadiyyatı il ərzində 0,3 faiz azalacaq
Pekin, 27 aprel, AZƏRTAC
Dünyanın inkişaf etmiş ölkələrindən olan Cənubi Koreyanın iqtisadiyyatı koronavirus pandemiyasının təsiri fonunda il ərzində 0,3 faiz geriləyəcək.
AZƏRTAC xəbər verir ki, bu barədə “Hyundai” araşdırma institutu proqnoz verib. İnstitut ilin birinci yarısında 0,9 faiz geriləmə gözlənilsə də, hökumətin stimullaşdırıcı tədbirləri sayəsində ilin ikinci yarısında iqtisadiyyatda 1,4 faiz artım qeydə alınacağını proqnozlaşdırıb.
“Hyundai” araşdırma institutunun proqnozu Beynəlxalq Valyuta Fondunun (BVF) Cənubi Koreya iqtisadiyyatının geriləməsi ilə bağlı proqnozundan (1,2 faiz) daha ümidvericidir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
