Cəzaçəkmə müəssisələrində məhkumlar koronavirus infeksiyasına görə test olunublar
Bakı, 30 aprel, AZƏRTAC
Ölkəmizdə xüsusi karantin rejimi elan olunduqdan sonra Ədliyyə Nazirliyinin bütün qurumlarında və məhkəmələrdə dezinfeksiya, profilaktik və digər qabaqlayıcı tədbirlər görülüb. Penitensiar Xidmətin cəzaçəkmə müəssisələrində və kollektivdə yoluxma halı qeydə alınmayıb.
AZƏRTAC xəbər verir ki, bunu Ədliyyə Nazirliyinin İnsan hüquqları və ictimaiyyətlə əlaqələr idarəsinin rəisi Aynur Sabitova “Pandemiya dövründə ədliyyəyə əlçatanlıq” mövzusunda keçirilən onlayn mətbuat konfransında deyib.
O qeyd edib ki, Ədliyyə Nazirliyinin əməkdaşları və məhkəmə hakimləri arasında da koronavirusa yoluxma faktı qeydə alınmayıb.
Cəzaçəkmə müəssisələrində hərarəti olan məhkumlar koronavirus infeksiyasına görə test ediliblər. Heç bir məhkumda infeksiya aşkar olunmayıb.
Bölmənin digər xəbərləri
