ÇƏMƏNZƏMİNLİŞÜNASLIĞA YENİ TÖHFƏ
“Azərnəşr”in nəfis tərtibatla buraxılmış “Yusif Vəzir Çəmənzəminli və rus mədəniyyəti” kitabı ədəbi ictimaiyyət tərəfindən çəmənzəminlişünaslığa yeni töhfə kimi qimətləndirilir. Gənc tədqiqatçı Leyla Məcidqızının bu kitabında Azərbaycan ədəbiyyatında tarixi romanlar müəllifi kimi tanınan Y.V.Çəmənzəminlinin dünyagörüşünün və ədəbi-estetik zövqünün formalaşmasında rus ədəbiyyatının rolundan ətraflı bəhs edilir.
Məlumdur ki, Çəmənzəminli rus ədəbiyyatından bir sıra maraqlı tərcümələrin müəllifidir. Həm də böyük yazıçımızın bəzi əsərləri də rus dilinə tərcümə olunmuşdur. Müəllifin bu kitabında həmin materiallar toplanıb müvafiq tərcümə prinsipləri mövqeyindən tədqiq və təhlil edilmişdir. L.Məcidqızı həm də Füzuli adına Əlyazmalar İnstitutunun arxivində Çəmənzəminli ilə bağlı saxlanılan və indiyədək çap olunmamış, hətta bir çoxu indiyə qədər tədqiqata cəlb edilməmiş materialları diqqətlə araşdırmış, görkəmli yazıçının həyatı və yaradıcılığı haqqında mövcud elmi təsəvvürləri kifayət qədər genişləndirə bilən bir əsər yazmışdır.
Kitabın elmi redaktoru və ön sözün müəllifi filologiya elmləri doktoru, professor Tofiq Hüseynoğlu, rəyçiləri filologiya elmləri doktorları, professorlar İfrat Əliyeva və Vaqif Sultanlıdır.
Bölmənin digər xəbərləri
