ÇERNOBIL QƏZASI HAQQINDA HƏQİQƏT AÇIQLANACAQ
Onun sözlərinə görə, Çernobıl fəlakəti mövzusunda konfranslar, fotosərgilər, ibadətlər keçiriləcəkdir. Aprelin 28-də BMT-nin baş katibi Kofi Annanın Çernobıl faciəsi haqqında bəyanatının yayılacağı gözlənilir. Aprelin 21-də Roma Papası XVI Benedikt faciənin 20-ci ildönümü ilə əlaqədar nitq söyləyəcəkdir.
Ukrayna XİN mətbuat xidmətinin rəhbəri Vasili Filipçuk Çernobıl fəlakəti qurbanlarının sayının az göstərildiyi barədə Beynəlxalq Atom Enerjisi Agentliyinin (BAEA) ittihamını jurnalistlərin xahişi ilə şərh edərək demişdir: “Mən mütəxəssislərin nə kimi nəticə çıxaracaqlarını gözləyərdim. Ukrayna BAEA-nın bəyanatlarına görə məsuliyyət daşımır”.
O bildirmişdir ki, qəzanın ildönümü ilə bağlı tədbirlər planından məqsəd əslində nə baş verdiyi və faciənin nəticələrinin aradan qaldırılması üçün Ukraynanın nə etdiyi barədə həqiqəti dünya birliyinə çatdırmaqdır.
Mətbuat konfransında Çernobıl fəlakəti və onun nəticələri barədə “Yırtıcı heyvan” adlı film nümayiş etdirilmişdir. XİN-in sifarişi ilə çəkilmiş bu film dünya ictimaiyyətinin diqqətini Çernobılın problemlərinə cəlb etmək üçün ölkənin xaricdəki diplomatik nümayəndəliklərinə göndəriləcəkdir.
Bölmənin digər xəbərləri
