Bakı, 30 iyul (AZƏRTAC). “Dalğa Arena”da çimərlik futbolu üzrə Bakı şəhər açıq çempionatına yekun vurulmuşdur.

Bakı Şəhər Gənclər və İdman Baş İdarəsinin (BŞGİBİ), Azərbaycan Çimərlik Futbol Federasiyasının və Azərbaycan Futbol Federasiyaları Assosiasiyasının birgə təşkil etdikləri çempionatda 12 komanda iştirak etmişdir.

BŞGİBİ-nin mətbuat xidmətindən AZƏRTAC-a bildirmişlər ki, yarışlarda “Bakı” komandası birinci, “Xəzri-Buzovna” və “Okean” komandaları isə müvafiq olaraq ikinci və üçüncü yerləri tutmuşlar.

İlk üç yerə layiq görülmüş komandaların üzvlərinə müvafiq dərəcəli diplomlar, xatirə hədiyyələri və kubok təqdim edilmişdir. Eyni zamanda, futbolçular 4 nominasiya üzrə mükafatlandırılmışlar.