Yasamalda oğurladıqları avtomobili satmaq istəyən şəxslər saxlanılıblar
Bakı, 11 may, AZƏRTAC
Yasamal rayonunda vətəndaşlardan birinə məxsus “Mercedes” markalı avtomobilin qaçırıldığı barədə polisə məlumat daxil olub.
Daxili İşlər Nazirliyinin mətbuat xidmətindən AZƏRTAC-a verilən məlumata görə, Yasamal Rayon Polis İdarəsinin 29-cu polis şöbəsinin əməkdaşlarının həyata keçirdikləri tədbirlər nəticəsində cinayət əməlini törədən paytaxt sakinləri Nurlan Cəlilov, Vüsal Dadaşov və Emil Əliyev saxlanılıblar. Onların oğurladıqları avtomobili satmaq istədikləri müəyyənləşdirilib. Nəqliyyat vasitəsi saxlanılanların gizlətdikləri ünvandan tapılaraq sahibinə təhvil verilib.
Faktla bağlı 29-cu polis şöbəsində araşdırma aparılır. Onların qanunsuz əməllərindən zərərçəkən başqa şəxslər varsa, bu barədə polisə müraciət edə bilərlər.
Bölmənin digər xəbərləri
