Əfqanıstanda daşqın nəticəsində ölənlərin sayı 150 nəfərə çatıb
Bakı, 11 may, AZƏRTAC
Əfqanıstanın şimal əyalətlərində aprel leysan və daşqınlar nəticəsində azı 150 nəfər ölüb, 114 nəfər yaralanıb.
AZƏRTAC Sinxua agentliyinə istinadla xəbər verir ki, təbii fəlakətdən ən çox əziyyət çəkən Baqlan əyalətində 50 nəfər, Taxar əyalətində isə 20 nəfər həlak olub. Xilasedicilər milli ordunun təhlükəsizlik qüvvələri və polisin köməyi ilə palçıq və dağıntılar arasında həlak olanların cəsədlərini axtarır. Ölü sayının artacağı istisna olunmur.
Daşqınların yüzlərlə evə, eləcə də elektrik və rabitə vasitələrinə, əkin sahələrinə ciddi ziyan vurduğu bildirilir. Sinoptiklər yağışların tezliklə qayıda biləcəyini proqnozlaşdırırlar.
Bölmənin digər xəbərləri
