ÇİN SƏDDİNİN UZUNLUĞUNU DƏQİQLƏŞDİRMƏK ÜÇÜN XEYLİ VƏSAİT AYRILACAQ
Çin tarixində 20-dən çox hökmdar və feodal sülaləsi belə səddlər çəkdirmişdir, Min sülaləsinin hakimiyyəti illərində (XIV-XVII əsrlər) tikilən sədd isə ən uzun və möhkəm tikilidir.
Böyük Çin Səddini Öyrənmə Cəmiyyətinin Min sülaləsi dövrünə aid sənədlərə istinadla verdiyi məlumata görə, bu səddin uzunluğu təxminən 6300 kilometrdir. ÇXR yaradıldıqdan sonra yerli idarəetmə orqanları onun uzunluğunu ölçmüşlər, lakin dəqiq inzibati bölgünün yoxluğu üzündən həmin rəqəm tarixi rəqəmə nisbətən 1000 kilometrdən də çox olmuşdur.
İndi daha dəqiq ölçü üçün müasir texnologiyalardan, o cümlədən aviasiyanın köməyi ilə məsafədən zondlama sistemindən və digər vasitələrdən istifadə ediləcəkdir. Təkcə aviasiyanın köməyi ilə teleölçüyə 200 milyon yuan (1 dollar 8,07 yuandır) xərclənəcəkdir.
Böyük Çin səddinin uzunluğunun ölçülməsi təxminən yarım ildən sonra başa çatdırılacaqdır.
Bölmənin digər xəbərləri
